Beynəlxalq bazarlar üçün ciddi hazırlıqlar üzərində çalışan Rightwellton hüquq şirkəti 2023-cü il ərzində 48-dən çox işin icrasından imtina edib.

Şirkətin direktoru Fərid Həsənov imtina edilən işlərin gələcəkdə şirkətin imicinə və beynəlxalq bazarda təmsil olunma strategiyamıza mənfi təsir göstərə biləcəyini söylədi.

“Yerli bazarda şirkətimizə daxil olan bir çox işlərdən imtina etməyimiz imicimizin və eyni zamanda bazarda şəffaflığın qorunması ilə bağldır. Daxil olan müraciətləri araşdıran zaman qarşılaşdığımız bir neçə məqamlar mövcuddur ki, onlar işin icrasından imtina etməyimizə gətirib çıxardıb. Bu məqamlar yanlış sənədləşmə, işin fəaliyyəti tənzimlənməyən digər hüquq şirkəti və ya hüquqşünas tərəfindən yanlış istiqamətə aparılması, qarşı tərəfin psixoloji və toksik münasibəti ümumilikdə 2023-cü il ərzində 48-dən çox işdən imtina etməyimizlə nəticələnmişdir.”

Ölkənin kadr potensialına da diqqət çəkən şirkət rəhbəri bahalı kadrların potensialını kiçik işlərə sərf olunmasına qarşı olduğu barədə də fikirlərini paylaşdı.

“Ölkədə ciddi kadr problemi mövcuddur. Biz şirkət olaraq cəlb etdiyimiz və yatırımına zaman, enerji xərclədiyimiz potensial kadrların enerjisini doğru istiqamətdə istifadə etmək niyyətindəyik. Ona görə də işlərin həcmindən daha çox sifarişçinin digər insani keyfiyyətlərinə, sahə ilə bağlı minimum anlayışlarına, dinləmə, empati qurma və anlama kimi xüsusiyyətlərinə də diqqət yetiririk. Bu, şirkətimizdə olan kadrların fiziki və psixoloji olaraq qorunması, eləcə də yerli bazar iştirakçılarına töhvə verilməsi baxımından vacib olduğunu hesab edirik.”

Qeyd edək ki, Rightwellton hüquq şirkəti beynəlxalq bazarda mövqe tutmaq üçün bir sıra hüquqi sənəd və sertifikatların alınması üzərində çalışır. Şirkət, bu ilin sonuna kimi xidmət çeşidliyi və kadr potensialını artırmağı hədəfləyir.

Prezident İlham Əliyevin “Rəqəmsal ekologiya” informasiya sisteminin yaradılması və bununla əlaqədar bir sıra məsələlərin tənzimlənməsi haqqında” və “Milli Məkan Məlumatları” informasiya sistemi haqqında Əsasnamə”nin təsdiqi və bununla əlaqədar bəzi məsələlərin tənzimlənməsi barədə" 10 yanvar 2025-ci il tarixli Fərmanları ilə rəqəmsal idarəçilik istiqamətində uğurlu addımlar atıldı.

Artıq vətəndaşlarımız REİS vasitəsilə Azərbaycan Respublikası Ekologiya və Təbii Sərvətlər Nazirliyinə (Nazirlik) və tabeliyindəki qurumlara, habelə publik hüquqi şəxslərə elektron kabinetləri üzərindən müraciətlərini göndərmək, elektron xidmətlərdən istifadə etmək və ödənişləri həyata keçirmək imkanına sahib olacaqlar. REİS-in sahibi funksiyalarını Nazirlik, operatoru funksiyalarını isə Nazirliyin tabeliyindəki “Geodeziya və Kartoqrafiya Agentliyi” publik hüquqi şəxs həyata keçirir.

Azərbaycan Respublikası ərazisində müəyyən məkan, ərazi və coğrafi bölgə ilə birbaşa və ya dolayısı ilə əlaqəli olan istənilən məlumat milli məkan məlumatı hesab edilir. MMM informasiya sistemi vətəndaşlarımızın milli məkan məlumatları üzrə xidmətlərə əlçatanlığını artırmaqla real vaxt rejimində, keyfiyyətli və operativ xidmət almasına imkan verəcək. MMM-in sahibi və operatoru Azərbaycan Respublikasının İqtisadiyyat Nazirliyidir.

REİS, MMM və bu kimi informasiya sistemlərinin yaradılması və Elektron Hökumət İnformasiya Sisteminə (bundan sonra – EHİS) inteqrasiyası vətəndaşlarımız üçün əlverişli inzibati aktın qəbul edilməsi və ya onlara məxsus olan hər hansı hüququn həyata keçirilməsi ilə bağlı, həmçinin vaxta qənaət baxımından olduqca əhəmiyyətlidir. Nümunə üçün baxaq, vətəndaş A mülkiyyət hüquqlarını həyata keçirmək  üçün ərizə ilə inzibati orqana müraciət edir. İnzibati orqan da öz növbəsində sübut qismində ərizəyə əlavə edilməli olan sənədləri və ya məlumatları A-dan tələb edir. İnzibati orqan A ilə bağlı məlumatları EHİS vasitəsilə müvafiq dövlət orqanından (qurumundan) əldə edə bildikdə A-dan həmin sənədlər və ya məlumatları daha tələb edə bilmir və nəticədə rəqəmsal imkanlar inzibati icraatı A şəxsinin timsalında bütün vətəndaşlarımızın xeyrinə sadələşdirmiş olur.