“Azərbaycan Respublikası Ali Məhkəməsi Plenumunun bəzi qərarlarında dəyişiklik edilməsi barədə” Azərbaycan Respublikası Ali Məhkəməsi Plenumunun “ 20 ” dekabr 2024-cü il tarixli № 15 Qərarı nikahın pozulması, aliment və əlaqədar tələblər üzrə uzunmüddətli və yorucu məhkəmə mübahisələrindən yayınmaq üçün üçün effektiv həll yolları vəd edir.

Dəyişikliklərə əsasən, artıq uşaqla ünsiyyət məsələsində problem yaşayan valideynlər əlavə vaxt və xərc çəkmədən elə məhkəmədə nikahın pozulması ilə eyni vaxtda bu problemi həll edə biləcəklər. Habelə valideyn övladı ilə olan ünsiyyətin vaxtını, müddətini və yerini dəyişdirmək istədikdə aylarla çəkən məhkəmə proseslərindən daha qorxmalı deyil, çünki bu barədə ərizə təqdim etmək kifayət edəcək. Belə olduqda qanunvericiliyə əsasən səlahiyyətli məhkəmə həmin ərizəyə 10 iş günü müddətində baxıb qərar verməlidir.

Bu qayda uşağından ayrı yaşayan, amma onunla ölkə xaricinə çıxmaqda maraqlı olan valideynlər üçün də sadələşdirilmiş imkanlar vəd edir. Belə ki, çox zaman ayrı yaşayan valideynlərin övladları ilə ünsiyyət müddəti xarici səfərlərə imkan vermir, bu halda ünsiyyət müddətinin səfərə uyğunlaşdırılması üçün məhkəməyə ərizə və 10 gün səbir etmək kifayət edə bilər.

Dəyişikliklərə əsasən, daha alimentin artırılması barədə hər il məhkəməyə müraciət edib aylarla yekun nəticəni gözləməyə ehtiyac qalmayacaq, çünki minimum əmək haqqındakı artımlara münasibətdə alimentin indeksasiyası aparılacaq. Avtomatik indeksasiya aparılması üçün müraciət qaydası iki formada təzahür edir. Minimum əməkhaqqı məbləğinin müəyyən mislinə uyğun sabit pul məbləğində müəyyən edilən alimentlər üçün tutulmuş aliment artırılmış minimum əmək haqqına mütənasib olaraq, icra qaydasında, heç bir müraciətə zərurət olmadan artacaq, lakin əgər aliment qətnamədə konkret məbləğlə ifadə edilibsə, indeksasiya maraqlı tərəfin ərizəsi əsasında icraya nəzarət edən məhkəmə tərəfindən məsələ sadə bir qərardad vasitəsilə həll ediləcək.

Azərbaycan Respublikası Ali Məhkəməsi Plenumunun 20 Dekabr 2024-cü il tarixində qəbul etdiyi son dəyişikliklər, nikahın pozulması, aliment və bu qəbildən valideyn-uşaq münasibətləri ilə bağlı vaxt və xərc aparan yorucu məhkəmə mübahisələrini xeyli sadələşdirmişdir.

“Arbitraj haqqında” Azərbaycan Respublikasının 2023-cü il 26 dekabr tarixli 1077-VIQ nömrəli Qanununun icrası ilə əlaqədar Azərbaycan Respublikasının bəzi qanunlarında dəyişiklik edilməsi barədə AR Qanunu 7 yanvar 2025-ci il tarixindən qüvvəyə mindi.

Dəyişikliklərə əsasən, xarici və yerli arbitraj məhkəmələrinin qərarları əsasında verilən icra vərəqələrinin icraya yönəldilmə müddəti 3 ildən 1 aya endirildi. Əlavə olaraq, yeni qaydalarla arbitraj məhkəmələrinin müvəqqəti təminat tədbirlərinin tətbiqi barədə qərarlarının tanınması və icrası barədə məhkəmə qərarları əsasında verilən icra vərəqələri dərhal icraya yönləndiriləcəkdir.

Həmçinin islahatların davamı olaraq, qanunun icrası ilə əlaqədar “Dövlət rüsumu haqqında” AR Qanununa dəyişikliklər edilməklə arbitrajla əlaqədar ərizələrə görə dövlət rüsumları müəyyənləşdirilib:

Xarici arbitraj məhkəmələrinin qərarlarının tanınması və icrası ilə bağlı ərizənin verilməsinə görə, arbitraja münasibətdə yardım funksiyalarının yerinə yetirilməsi ilə bağlı ərizənin verilməsinə görə, habelə arbitraj məhkəmələrinin qərarlarının ləğv edilməsi ilə bağlı ərizənin verilməsinə görə hər biri ayrı-ayrılıqda 100 manat, yerli arbitraj məhkəmələrinin qərarlarının məcburi icrasının təmin edilməsi ilə bağlı ərizənin verilməsinə görə 50 manat və nəhayət müvəqqəti təminat tədbirlərinin tətbiqi barədə arbitraj məhkəmələrinin qərarlarının tanınması və icrası ilə bağlı ərizənin verilməsinə görə 50 manat dövlət rüsumu ödəniləcək.

Rightwellton şirkəti ölkəmizdə hüquqi müdafiə sahəsində yenilikləri ilə növbəti dəfə diqqət mərkəzindədir. Şirkət İnnovativ Rightwellton Premium Xidmətini ictimaiyyətə təqdim edib. Şirkətin icraçı direktoru, ADA Universitetinin müəllimi və Vəkillər Kollegiyasının Fəxri Hüquq doktoru Fərid Həsənovun sözlərinə görə, Rightwellton Premium yalnız VIP müştərilər və onların ailə üzvləri üçün fasiləsiz və tam fərdiləşdirilmiş  hüquqi müdafiə təqdim edən bir xidmətdir. Bu konsepsiya yalnız hüquqi problemlərin həlli ilə məhdudlaşmır, həm də hüquqi təhlükəsizliyi həyatınızın ayrılmaz hissəsinə çevirməyi hədəfləyir.

Fərid müəllim Rightwellton Premiumun üstünlüklərini belə şərh edir:

1. Fasiləsiz Hüquqi Yardım
Hüquqi problemlər nə vaxt və harada yaranırsa yaransın, həll üçün fasilə olmamalıdır. Rightwellton Premium VIP müştərilərinə  ailələri ilə birlikdə 24/7 hüquqi dəstək təqdim edir. Hər hansı bir təcili vəziyyətdə şəxsi hüquq məsləhətçiniz həmişə əlçatandır. Bu yanaşma ilə siz hüquqi məsələlərdə heç vaxt tək qalmırsınız.

2. Şəxsi Vəkil Dəstəyi
Hər bir ailənin hüquqi tələbləri unikal və fərqlidir. Buna görə də, hər müştərimizə şəxsi vəkil ayrılır. Bu vəkil, ailənizin bütün hüquqi ehtiyaclarını qarşılayır, ailə mülklərinin qorunmasından tutmuş fərdi hüquqi problemlərə qədər hər sahədə davamlı dəstək göstərir.

3. Qlobal Təcrübə və Təhlükəsizlik
Hüquq yalnız yerli müstəvidə cərəyan etmir, bu baxımdan Rightwellton Premium həmçinin qlobal miqyasda hüquqi müdafiə təmin edir. Xarici hüquqi problemlərdən tutmuş beynəlxalq aktivlərin qorunmasına və kompleks ticari mübahisələrin həllinə qədər geniş sahələrdə müştərilərinin yanındadır.

4. Xidmətdə məxfilik
Hüquqi məsələlərdə məxfiliyin və güvənin nə qədər vacib olduğunu bilirik. Rightwellton Premium ailənizin hüquqi maraqlarını ən yüksək məxfilik səviyyəsində qoruyur. Müştərilərin, daha da önəmli ailələrinin təhlükəsizliyi və maraqları hər zaman prioritetdir.
    
Qısası, Rightwellton Premium hüquqi dəstəyi bir xidmət olmaqdan çıxararaq, həyatınızın bir hissəsinə çevirir.

#VIPHüquqiYardım #ŞəxsiVəkil #HüquqiTəhlükəsizlik #24_7HüquqiYardım #HüquqiXidmət #HüquqiMəsləhət