Azərbaycan Respublikası Prezidenti İlham Əliyevin 16 Yanvar 2025-ci il Fərmanı ilə  “Azərbaycan Respublikasında Rəqəmsal İnkişaf Konsepsiyası” (bundan sonra, “Konsepsiya”) təsdiq edildi. Konsepsiyanın qəbulu ilə qərarvermə prosesində rəqəmsal texnologiyaların, xüsusən süni intellekt və blokçeyn kimi innovasiyaların tətbiqi əsasında “elektron hökumət”dən (eGov) “rəqəmsal hökumət”ə (GovTech) keçid üçün fəaliyyət planı hazırlanmış oldu.

Konsepsiyaya əsasən, rəqəmsal inkişaf sahəsində beynəlxalq və ölkədaxili təcrübə əsasında “Azərbaycan Respublikasının Rəqəmsal Məcəlləsi” və “Azərbaycanda məlumatların idarə edilməsi (Data Governance) Strategiyası”, habelə qüvvədə olan qanunvericiliyə rəqəmsal inkişafın müasir çağırışlarına cavab verən dəyişiklik hazırlanacaqdır.

Yeni qanunvericilik aktlarında bizlər “Elektron hökumət”, “Proseslərin rəqəmsal əsaslara keçirilməsi”, “Rəqəmsal məlumat bazası”, “Milli identifikasiya sistemi”, “Məlumat perimetrinin təhlükəsizliyi”, “Rəqəmsal inkişaf” kimi praktikada istifadə edilən lakin daha qanunvericiliyə inteqrasiya olunmayan məfhumların hüquqi əsasları və mexanizmi ilə tanış olacağıq.

Beynəlxalq bazarlar üçün ciddi hazırlıqlar üzərində çalışan Rightwellton hüquq şirkəti 2023-cü il ərzində 48-dən çox işin icrasından imtina edib.

Şirkətin direktoru Fərid Həsənov imtina edilən işlərin gələcəkdə şirkətin imicinə və beynəlxalq bazarda təmsil olunma strategiyamıza mənfi təsir göstərə biləcəyini söylədi.

“Yerli bazarda şirkətimizə daxil olan bir çox işlərdən imtina etməyimiz imicimizin və eyni zamanda bazarda şəffaflığın qorunması ilə bağldır. Daxil olan müraciətləri araşdıran zaman qarşılaşdığımız bir neçə məqamlar mövcuddur ki, onlar işin icrasından imtina etməyimizə gətirib çıxardıb. Bu məqamlar yanlış sənədləşmə, işin fəaliyyəti tənzimlənməyən digər hüquq şirkəti və ya hüquqşünas tərəfindən yanlış istiqamətə aparılması, qarşı tərəfin psixoloji və toksik münasibəti ümumilikdə 2023-cü il ərzində 48-dən çox işdən imtina etməyimizlə nəticələnmişdir.”

Ölkənin kadr potensialına da diqqət çəkən şirkət rəhbəri bahalı kadrların potensialını kiçik işlərə sərf olunmasına qarşı olduğu barədə də fikirlərini paylaşdı.

“Ölkədə ciddi kadr problemi mövcuddur. Biz şirkət olaraq cəlb etdiyimiz və yatırımına zaman, enerji xərclədiyimiz potensial kadrların enerjisini doğru istiqamətdə istifadə etmək niyyətindəyik. Ona görə də işlərin həcmindən daha çox sifarişçinin digər insani keyfiyyətlərinə, sahə ilə bağlı minimum anlayışlarına, dinləmə, empati qurma və anlama kimi xüsusiyyətlərinə də diqqət yetiririk. Bu, şirkətimizdə olan kadrların fiziki və psixoloji olaraq qorunması, eləcə də yerli bazar iştirakçılarına töhvə verilməsi baxımından vacib olduğunu hesab edirik.”

Qeyd edək ki, Rightwellton hüquq şirkəti beynəlxalq bazarda mövqe tutmaq üçün bir sıra hüquqi sənəd və sertifikatların alınması üzərində çalışır. Şirkət, bu ilin sonuna kimi xidmət çeşidliyi və kadr potensialını artırmağı hədəfləyir.

“Azərbaycan Respublikasında 2025-ci il üçün yaşayış minimumu haqqında” Azərbaycan Respublikası Qanunu 2025-ci il yanvarın 1-dən qüvvəyə minir.

Yaşayış minimumu insanların sağlamlığını və həyat fəaliyyətini təmin etmək üçün zəruri olan maddi və sosial ehtiyacların ödənilməsi üçün lazım olan minimum məbləğdir.

2025-ci il üçün yaşayış minimumu ölkə üzrə 285 manat, əmək qabiliyyətli əhali üçün 305 manat, pensiyaçılar üçün 232 manat, uşaqlar üçün 246 manat məbləğində müəyyən edilmişdir.

Yaşayış minimumunun əmək haqqı üzrə vergi ödəmələrində, aztəminatlı ailələrə  ünvanlı sosial yardımların formalaşdırılması və hesablanmasında, ölkə üzrə həyat səviyyəsinin müəyyən edilməsində, aztəminatlı ailələrə dair dövlət proqramlarının işlənib hazırlanmasında, qanunvericilikdə tənzimlənən qiymət və tariflərin formalaşdırılmasında, əhali gəlirlərinin və əmanətlərinin  indeksləşdirilməsində rolu vardır.