searchclose
2024-06-16T18:26:46.000000Z
img
img
img
img
img
img
img
img
img
img
img

Fəaliyyətimizi və nəticələrini rəqəmlərlə göstəririk.

Bu rəqəmlər vaxtında müraciət edən müştərilərin sayəsində artmaqda davam edir. Hüquqlarınızın müdafiəsi üçün vaxtında müraciət edin.

  • 8+

    Təcrübə
  • 80+

    Xidmət
  • 500+

    Uğurlu iş
  • 12+

    Əməkdaş

Fəaliyyətimiz ətraflı olaraq video çarxda

Yerli bazar iştirakçılarına faydalı olmaq, sahibkarlığın inkişafına töhfə vermək, həmçinin onların hüquqlarını beynəlxalq mühitdə təmsil etmək üçün var gücümüzlə çalışırıq.

Yerli bazar iştirakçılarına faydalı olmaq, sahibkarlığın inkişafına töhfə vermək, həmçinin onların hüquqlarını beynəlxalq mühitdə təmsil etmək üçün var gücümüzlə çalışırıq.
Fəaliyyətimiz ətraflı olaraq video çarxdaFəaliyyətimiz ətraflı olaraq video çarxda

Müraciət et

Xidməti seçin

down

Xəbərlər

Hamısına baxreadmore

Hüquq sahəsi və şirkətimizdə baş verən yenilikləri buradan izləyin.

Sahibkarlıq Subyektlərinə Yeni Tələblər: Dövlət Orqanları Benefisiar Mülkiyyətçi Barədə Məlumatları Tələb Edir
#Rightwellton #Hüquq #BenefisiarMülkiyyətçi #YeniTələblər

15.05.2025

Sahibkarlıq Subyektlərinə Yeni Tələblər: Dövlət Orqanları Benefisiar Mülkiyyətçi Barədə Məlumatları Tələb Edir

Azərbaycanda benefisiar mülkiyyətçi məlumatlarının təqdim edilməsi  barədə Vergi Məcəlləsində, “Valyuta tənzimi haqqında”, “Kommersiya sirri haqqında”, “Hüquqi şəxslərin dövlət qeydiyyatı və dövlət reyestri haqqında”, “Banklar haqqında”, “Sığorta fəaliyyəti haqqında”, “Bank olmayan kredit təşkilatları haqqında”, “İnvestisiya fondları haqqında”, “Qiymətli kağızlar bazarı haqqında”, “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” və “Ödəniş xidmətləri və ödəniş sistemləri haqqında” qanunvericilik aktlarında ard-arda dəyişikliklər edilmişdir. 

 

"Hüquqi şəxslərin dövlət qeydiyyatı və dövlət reyestri haqqında" Azərbaycan Respublikası Qanununa edilmiş dəyişikliklərlə "Benefisiar mülkiyyətçi" və "nəzarət və (və ya) mülkiyyət zənciri" anlayışları qanunvericiliyə daxil edilmişdir:

 

  • Benefisiar mülkiyyətçi – son nəticədə hüquqi şəxsə və ya xarici hüquqi təsisata nəzarəti həyata keçirən və ya hüquqi şəxsin, yaxud xarici hüquqi təsisatın əsl sahibi olan və (və ya) xeyrinə əməliyyat aparılan və (və ya) əqdlər bağlanılan, habelə son nəticədə hüquqi şəxs və ya xarici hüquqi təsisat üzərində effektiv nəzarəti həyata keçirən fiziki şəxs (şəxslər)

 

  • Nəzarət və (və ya) mülkiyyət zənciri – hüquqi şəxs və (və ya) xarici hüquqi təsisatın birinin digərini təsis etməsi, idarə etməsi, birinin digərinə nəzarət etməsi, birinin digərinin paylarına (səhmlərinə) sahib olması və (və ya) xarici hüquqi təsisatın təsis əqdinin tərəfi (xarici hüquqi təsisat təsisçisi, idarəçisi, benefisiarı (benefisiarlar qrupu), təminatçısı) və ya hüquqi şəxs və xarici hüquqi təsisat üzərində son nəticədə effektiv nəzarəti həyata keçirən digər şəxs olması

 

Bundan belə hər bir hüquqi şəxs (həm hazırda dövlət qeydiyyatından keçmiş, həm də bundan sonra dövlət qeydiyyatından keçəçək bütün hüquqi şəxslər) benefisiar mülkiyyətçisi, habelə xarici hüquqi şəxsin nümayəndəlik və ya filialı xarici hüquqi şəxsin benefisiar mülkiyyətçisi barədə dəqiq və yenilənmiş məlumatları bilməli və təsdiqedici sənədlərə (o cümlədən elektron sənədlərə) malik olmalı, qanunla nəzərdə tutulmuş hallarda və qaydada səlahiyyətli dövlət orqanlarına təqdim etməlidir.

 

Əlavə olaraq, “Hüquqi şəxslərin dövlət qeydiyyatı və dövlət reyestri haqqında” Qanuna benefisiar mülkiyyətçilər barədə tələb olunan bütün məlumatların siyahısı müəyyən edilmiş, habelə benefisiar mülkiyyətçinin müəyyən edilməsi qaydalarını ehtiva edən yeni 5-1-ci maddə daxil edilmişdir.

 

Vergi Məcəlləsində, “Kommersiya sirri haqqında” və “Hüquqi şəxslərin dövlət qeydiyyatı və dövlət reyestri haqqında” qanunlarda edilmiş düzəlişlərlə benefisiar mülkiyyətçi barədə məlumatlar kommersiya sirri və vergi sirri təşkil edən məlumatlar hesab edilmiş, reyestrdə əks etdirilsə belə, ictimaiyyətə açıq olmayan məlumatlar kateqoriyasına daxil edilmişdir.

 

Bundan ziyadə “Valyuta tənzimi haqqında”, “Banklar haqqında”, “Sığorta fəaliyyəti haqqında”, “Bank olmayan kredit təşkilatları haqqında”, “İnvestisiya fondları haqqında”, “Qiymətli kağızlar bazarı haqqında”, ““Ödəniş xidmətləri və ödəniş sistemləri haqqında” qanunlarda dəyişikliklərlə benefisiar mülkiyyətçi barədə məlumatların təqdim edilməsi maliyyə bazarları subyektlərinə lisenziya alınması zamanı bir növ pre-rekvizit kimi müəyyən edilmişdir.

 

Qanunvericiliyə edilmiş dəyişikliklər tələb edir ki, 15 May 2025-ci il tarixədək dövlət qeydiyyatından keçmiş hüquqi şəxslər öz benefisiar mülkiyyətçilərinin, habelə xarici hüquqi şəxsin nümayəndəlik və filialı xarici hüquqi şəxsin benefisiar mülkiyyətçilərinin müəyyən edilməsi və bu barədə məlumat və sənədlərin “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq hüquqi şəxslərin dövlət reyestrinə təqdim edilməsini aşağıdakı vaxt intervalında təmin etsin:

 

► iri sahibkarlıq subyektləri üçün 31 dekabr 2025-ci il tarixinədək;

 

► orta sahibkarlıq subyektləri üçün 30 iyun 2026-cı il tarixinədək;

 

► kiçik sahibkarlıq subyektləri üçün 31 dekabr 2026-cı il tarixinədək;

 

► mikro sahibkarlıq subyektləri üçün 31 dekabr 2027-ci il tarixinədək;

 

► qeyri-hökumət təşkilatları və dini qurumlar üçün 30 iyun 2026-cı il tarixinədək.

absolute_pic
Məhkəmə-Hüquq Şurasının Vəzifə və Səlahiyyətləri Artırıldı
#Rightwellton #Hüquq #MəhkəməHüquqŞurası

19.04.2025

Məhkəmə-Hüquq Şurasının Vəzifə və Səlahiyyətləri Artırıldı

Rightwellton xəbər verir ki, “Məhkəmə-Hüquq Şurası haqqında” Azərbaycan Respublikasının Qanununda son edilmiş dəyişikliklərə əsasən, Məhkəmə-Hüquq Şurasının vəzifə və səlahiyyətləri artırıldı. Belə ki bundan sonra Məhkəmə-Hüquq Şurası aşağıdakı sadalanan vəzifələri də yerinə yetirəcək:

 

1. Məhkəmə statistikasının aparılması, məhkəmələrdə kargüzarlığın təşkil edilməsi, icra və əmək intizamına riayət olunması üçün tədbirlər görür, birinci və apellyasiya instansiyası məhkəmələrində bu sahələr üzrə işin təşkili vəziyyətini yoxlamalıdır.

 

2. Hakimlərin əmək və sosial hüquqlarının təmin edilməsi üçün tədbirlər görməlidir.

 

3. Məhkəmələr tərəfindən məhkəmə fəaliyyətinin təşkilinə dair ümumiləşdirmələri öyrənir, təhlil etməli, məhkəmə statistikası sahəsində statistika hesabatının formasını müəyyənləşdirməli, habelə statistika hesabatlarını ümumiləşdirməli və dərc etməlidir.

 

4. Birinci instansiya məhkəməsinin hakimi öz vəzifələrini yerinə yetirə bilmədikdə və ya hakim vəzifəsi vakant olduqda, həmin məhkəməyə digər müvafiq məhkəmənin hakiminin onun razılığı ilə 1 ilədək müddətə ezam edilməsi məsələsini müzakirə etməlidir.

 

5. Birinci instansiya məhkəmələrində sədr və sədr müavini öz vəzifələrini yerinə yetirə bilmədikdə və ya sədr və sədr müavini vəzifələri vakant olduqda onların vəzifələrinin icrasını müvəqqəti olaraq həmin məhkəmənin hakimlərindən birinə həvalə edilməsi məsələsini müzakirə etməlidir.

 

6. Azərbaycan Respublikasının Ali Məhkəməsi, Naxçıvan Muxtar Respublikasının Ali Məhkəməsi və apellyasiya məhkəmələri istisna olmaqla, digər məhkəmələrin hakimlərinə məzuniyyət məsələsini həll etməlidir.

 

absolute_pic
“Lisenziyalar və İcazələr Haqqında” Azərbaycan Respublikasının Qanununda Dəyişiklik edilir
#Rightwellton #Hüquq #Sahibkarlıq #İcazələr #Siyahı

19.04.2025

“Lisenziyalar və İcazələr Haqqında” Azərbaycan Respublikasının Qanununda Dəyişiklik edilir

Rightwellton xəbər verir ki, “Lisenziyalar və icazələr haqqında” Azərbaycan Respublikası Qanunununda yer alan Sahibkarlıq fəaliyyətinə verilən icazələrin Siyahısına dəyişiklik edilir.

 

“Lisenziyalar və icazələr haqqında” Azərbaycan Respublikası Qanununda dəyişiklik edilməsi barədə Azərbaycan Respublikası Qanunu ƏDV-nin məqsədləri üçün qeydiyyatda olan işğaldan azad edilən ərazilərin rezidentləri tərəfindən siyahısı Nazirlər Kabineti tərəfindən təsdiq olunan iqtisadi fəaliyyət sahələri və mal nomenklaturaları üzrə texnikanın, texnoloji avadanlıqların və qurğuların, habelə xammal və materialların idxalı 2023-cü il yanvarın 1-dən 10 il müddətinə ƏDV-dən və gömrük rusumlarından azad edilir. Azadolmalar İqtisadiyyat Nazirliyi tərəfindən verilən təsdiqedici sənəd əsasında tətbiq edilir.

 

Qeyd edilən təsdiqedici sənədin “sahibkarlıq fəaliyyətinə verilən icazə” xarakterli olması nəzərə alınmaqla layihədə “Sahibkarlıq fəaliyyətinə verilən icazələrin siyahısı”nın 75-ci maddəsi yeni redaksiyada verilib. Bununla da işğaldan azad edilən ərazilər üzrə idxalı əlavə dəyər vergisindən və gömrük rüsumundan azad edilən iqtisadi fəaliyyət sahələri və mal nomenklaturaları üzrə hüquqi şəxslər və hüquqi şəxs yaratmadan sahibkarlıq fəaliyyətini həyata keçirən fiziki şəxslər tərəfindən texnikanın, texnoloji avadanlıqların və qurğuların, xammal və materialların idxalı üçün təsdiqedici sənəd də icazələrin siyahısına daxil edilir.

 

Bu qanun həmin təsdiqedici sənədə münasibətdə 2023-cü il yanvarın 1-dən tətbiq edilməklə 2033-cü il yanvarın 1-dək qüvvədə olacaq.

absolute_pic